სატკბილეთის ქვეყანა

სატკბილეთის ქვეყანა (2009 წ.)

ქუთაისის თოჯინების თეატრი

რეჟისორი გოგა ტალახაძე

ირმა მალციძის პიესების მიხედვით საქართველოს სხვადასხვა თეატრში ხშირად იდგმება სპექტაკლები. ქუთაისი თოჯინების თეატრმა არაერთხელ შეიტანა თავის რეპერტუარში ავტორის პიესის მიხედვით დადგმული სპოექტაკლები. 2009 წელს მის სცენაზე დაიდგა „სატკბილეთის ქვეყანა“, ხოლო 2010 წელს - „თავქუდმოგლეჯილი ბიჭის ამბავი“. ამჟამად  მიმიდნარეობს პიესის „ბიჭი, რომელმაც მუსიკა იპოვა“ დადგმა.

საგარეჯოს თოჯინების თეატრმა ავტორის „ვირიკელას მეჯლისი“  დადგა, ხაშურის თოჯინების თეატრმა „სატკბილეთის ქვეყანა“. საბავშვო თეატრმა „ჭინჭრაქა“ კი იგივე პიესა შეიტანა თავის რეპერტუარში და არაერთ საბავშვო თეატრალურ ფესტივალზე გაიმარჯვა. 

ირმა მალაციძის პიესებს ხშირად დგამენ საქართველოს სკოლებსა და თეატრალურ სტუდიებში.

ირმა მალაციძე: „ბედნიერი ვარ, როდესაც ჩემს პერსონაჟებს სცენაზე ვხედავ.  განსაკუთრებით, როცა პატარა მსახიობები ასრულებენ როლებს. ხშირად ერთი და იგივე პიესა სხვადასხვა კოლექტივის შესრულებით სრულიად განსხვავებულად მომჩვენებია  და ეს ძალიან მომწონს.  მათ  უცხო ადამიანის თვალით ვუყურებ და ყოველ ჯერზე რაღაც ახალს აღმოვაჩენ ხოლმე.“

ამჟამად ირმა მალაციძის პიესების რამდენიმე ათეული დადგმაა განხორციელებული სხვადასხვა თეატრის თუ სასწავლო დაწესებულების სცენაზე.